Желіде ағылшын тілін жетік білетін Түркістандағы Қожа Ахмет Ясауи кесенесі күзетшісінің видеосы тарады, деп хабарлайды ozgeris.info.
Желі қолданушылары видеодағы ер адам күзетші емес, мұғалім, аудармашы немесе гид болып жұмыс істеуге лайық екенін жазды.
«Күзетші ағылшынша сөйлеп тұрғанын көрген шетелдіктер таңғалған шығар», «Бауырымыз күзетші болып қор болып жүр екен, ағылшын мұғалімі болса болар еді», «Мүмкін қосымша жұмысы шығар. Небір жұмыс таңдамайтын пысық ер азаматтар бар ғой», «Бізде ағылшын тілі мұғалімдері осы сияқты сөйлей алмайтын шығар», «Бұл кісіні көргенмін, кесененің айналасында жүреді. Өте білімді бүкіл туристерге түсіндіріп жүреді», «Осы видеодан кейін ағамыздың бағы жанып кетсін», «Әр қазағым осындай жанжақты, білімге бай болсын», — деп жазды желі қолданушылары