Жақында Жәнібек өзін Арқалық қаласындағы балалар үйінен асырап алған еуропалық анасы Валерияны алғаш рет көрсетті. Белгілі болғандай, әйел қазақстандықтарды қызықтырған сұрақтарға жауап беру үшін Бельгиядан Испанияға келген.
Әйелдің айтуынша, ол Жәнібекті асырап алудың заңсыз екенін білмеген. Оның үстіне ол баланы балалар үйінен алып кету үшін 12 мың доллар төлеген.
Бұл туралы әйел Мұрат Савельевпен, яғни Жәнібекпен ашық сұхбатында айтты. Бельгияда жүргенде Арқалықтағы балалар үйімен қалай байланыста болды деген сұраққа ол былай деп жауап берді:
Мен Арқалықтағы балалар үйімен Бельгиядағы танысым арқылы хабарластым. Қазақстанға келгенге дейін мен электронды пошта арқылы тек сенің суретіңді көрдім және толық ақпарат алдым, Арқалыққа келгенімде мен Жәнібек туралы ештеңе білмегендей кейіп танытуға тура келді, яғни мен кімге баратынымды білсем де, маған баланы таңдағандай кейіп таныттым.
Мен 2-3 жасар ұлды асырап алғым келетінін айттым. Мен сені асырап алу үшін 12 мың доллар төледім. Бірақ бұл заңсыз екенін білмедім. Өйткені Арқалыққа келгенімде ол жерде ақша төлейтін америкалықтар болды. 20 мың доллар қолма-қол ақшамен, — деді ол.
фото: видеодан скриншот