Айдарбековтер әулетінің кенжесі Заңғар Нұртас Түркістанда сүйіктісіне сөз салды.
Заңғар Индира ерекше сөз салу үшін қатты дайындалған.
“Өмірімдегі маңызды сәтті ақылдасу үшін 2 күн бұрын киелі Түркістанға бардым. Түбім Түркістаннан болған соң Индираға осы жерде сөз салуды қаладым. Кешкі сағат 9-да бәрі болады. Экран ашылып, оннан нөлге дейін кері есеп кетеді. Одан кейін отшашу атылып, мен гүл беремін.”, – дейді ол тыңғылықты дайындалғанын көрсетіп.
“Еркетай, еркем менің жалғызым,
Табиғатың ерекше, дарамысың?
Өмірдің ақ, қарасын бірге төзіп,
Мәңгілік сүйікті жарым болармысың”, – деп жүрек түкпіріндегі сөздерін айтты Заңғар Нұртас. Сондай-ақ ол әлеуметтік желіге қуанышты сәттерінде түсірілген видеоны жариялап: “Бақытты сәтімізден” деп жазба қалдырды.