Президент Қасым-Жомарт Тоқаев қаңтар оқиғаларына 20 мың террористің қатысуы туралы бұрын айтылған ақпаратқа түсінік берді.
«20 мыңға келер болсақ, бұл санды құқық қорғау органдарының бұрынғы басшылары ұсынды. Өздеріңіз білесіздер, 13 қалада қоғамдық тәртіпті бұзу мақсатында билікке қарсы бір мезгілде бандиттік шабуыл жасалды. Қазір 5,5 мың қылмыстық іс қозғалды, 500 қылмыстық іс сотқа жіберілді «, — деді Мемлекет басшысы.
Қасым-Жомарт Тоқаев тек 23 адам ғана нақты мерзімге тартылғанына назар аударды.
«Бұл біздің осы қайғылы оқиғаны тергеуге өте мұқият қарайтынымызды білдіреді. Мен айтып өткендей, елімізде қаңтардың қайғылы оқиғасының қайталанбайтынына сенімдіміз. Айтпақшы, бүгінгі референдум осының кепілі. Біз тиісті сабақ алдық «, — деді Президент.