Мәдина Сәдуақасованың келін, жар атанғанына биыл он жыл болды. Әнші Қарақат Әбілдина мен Қыдырәлі Болман, Айқын Төлепберген мен Жұлдыз Өмірғали сияқты той жасағысы келетінін, алайда бұл мүмкін емес екенін айтты, деп хабарлайды ozgeris.info.
Бұл туралы ол Revue News бағдарламасына берген сұхбатында сөз қозғады.
«Бізде мұндай той болмайды-ау. Әрі кетсе үйде тойлануы мүмкін. Ал бірақ менің ішімде «әттең» деген ой бар. Себебі мен осындай жиын-тойды жақсы көремін. Бүкіл достарыңды, жақындарыңды, әріптестеріңді жинап, у-шу болып, осындай той жасаған ұнайды маған. Қайтем енді? Он жылым бекерге кетті. Ешқандай нәтиже алып келген жоқ. Сондықтан соңында «жарайды енді, көндік» дейді екенсің», — деп ағынан жарылды әнші.
Айта кетейік, Мәдина Сәдуақасова Айқын Төлепберген мен Жұлдыз Өмірғалидің үйлену тойына да жалғыз келген. Тойға шақырылған қонақтардың тізімінде күйеуінің де есімі болғанымен, тойға келмепті. Мұның себебін Мәдина Сәдуақасова күйеуінің әлі де болса жұлдызды отырыстарға бой үйретпегенімен түсіндірді.
Ақпарат qazaq.today сайтынан алынған.