Қырғызстан президентінің жиені үй қамағына босатылды, деп хабарлайды Ozgeris.info тілшісі 24.kg сайтына сілтеме жасап.
Бұл ақпарат Бішкектің Бірінші май аудандық сотының баспасөз қызметінен расталды.
Шешім 24 тамызда қабылданды. Сот ҰҚК ММ Тергеу басқармасы тергеушісінің өтінішін қанағаттандырды. Ж.Ө.Р қатысты қамауға алу түріндегі бұрын қолданылған бұлтартпау шарасы тергеу мерзіміне, 19 қыркүйекке дейін үйқамаққа өзгертілді.
Еске салайық, Садыр Жапаровтың туысы Ұлан Жапаров бір жыл бұрын ҚК-нің «Сыбайлас жемқорлық» бабы бойынша ұсталған болатын. Төрт айдан кейін оны үй қамауына алды. Кейінірек жергілікті БАҚ-тар президенттің жиені Ұлан Жапаровтың тағы да ұсталғанын және ол Қырғыз Республикасы президентінің облыстардың біріндегі өкілетті өкілі лауазымына уәде бергенін және $100 мыңнан астам сыйақы алғанын, бірақ уәдесін орындамағанын хабарлады. Оны ҰҚК қызметкерлері ұстады.
Ұлан Жапаров — Рақымжан Жапаровтың ұлы, Садыр Жапаровтың немере ағасы.