Облыстық прокуратураның мәліметінше, белгілі бір тұлға жеке тұрғын үйді пайдаланып, есірткіні өндірген. Ол «жұмысына» қажеттінің бәрін жинап, бөлмені жабдықтаған.
Тінту кезінде полицейлер жеке тұрғын үйден ыдыстарға оралған тыйым салынған заттар (31 келі) және химиялық сұйықтықтар, құрылғылар, зертханалық аспаптар мен психотроптық заттардың аналогтары табылды.
Ақмола облысының қылмыстық істер жөніндегі мамандандырылған ауданаралық соты азаматты көлігі мен үйін тәркілеп, 11 жылға бас бостандығынан айырды.