Ресейдің Брянск қаласында 8-сынып оқушысы мектепке әкесінің қаруын әкеліп, атыс шығарды.
РИА агенттігінің мәліметінше №5 мектеп гимназиясында 8А-сыныбының оқушысы төртінші қабатқа көтіріліп, биология сабағы кезінде атыс ұйымдастырған.
Ресми мәліметтерге сүйенсек, екі адам қаза тауып, бес жасөспірім жарақат алған. Біреуіне ота жасалып жатыр. Осы оқиғадан кейін атыс шығарған қыз суицид жасады.
Ресейлік БАҚ-тың мәліметінше оқушы қыз мектепке әкесінің қаруын алып барған.