Ақтау әкімдігі жаңа жылдық безендіру үшін 20 метрлік екі жасанды шырша сатып алуға ниетті. Байқауды ұйымдастырушы — Ақтау қалалық тұрғын үй-коммуналдық шаруашылық бөлімі, деп хабарлайды ozgeris.info тілшісі liter.kz сайтына сілтеп.
Алдағы жаңа жылдық мереке қарсаңында билік 20 метрлік екі жасанды шырша мен декор сатып алмақ. Бұл мақсатқа бюджетте 98 403 854,00 теңге қарастырылған. Оған мереке атрибуттарын жеткізу және орнату кіреді.
Техникалық ерекшелікке сәйкес, шыршалар жасыл түсті, конустық пішінді, биіктігі 20 метр болады. Негізінің диаметрі — 7,4 метр, болат қаңқаның салмағы — кемінде 2000 килограмм, қылқан жапырақтардың салмағы — кемінде 950 килограмм. Шыршалар гирляндалар мен шарлармен, сондай-ақ жарықдиодты жарығы бар периметрі бойынша сәндік аркамен безендіріледі. Орнату орнын тапсырыс беруші анықтайды, яғни ТКШ бөлімі.
Бұдан басқа, қалада бірнеше нүкте жасалады: 15 шағын ауданның жағалауы, 11 шағын аудандағы Ынтымақ алаңы және 19А шағын аудандағы Әбіш Кекілбаев мұражайының аумағындағы алаң. Олар жаңа шағын сәулет нысандарымен (МАФ): бұғымен (6 бірлік) және жарық аркасымен (2 бірлік) безендірілетін болады.
Сондай-ақ, бөлінген қаражатқа 20 дана МАФ қалпына келтіріледі. Ынтымақ алаңында бұталар мен ағаштарға гирляндалар ілінеді. Монтаждауды 2024 жылдың 17-24 желтоқсаны аралығында жүргізу жоспарланған. Бөлшектеу — 2025 жылғы 15 қаңтар.