Отандық танымал тележүргізуші Ләйлә Сұлтанқызы желіде жаңа видео жариялап, оқырмандарын таңғалдырды. БАҚ өкілі көпшілікке өзін жаңа қырынан танытты, деп жазады ozgeris.info.
Ләйлә Сұлтанқызы елдің қызу талқысына түскен видеоны Instagram-дағы парақшасында жариялаған. Онда тележүргізушінің
«Дариға жүрек» әнін шырқап жатқанын көруге болады. «Мен емес, жасанды интеллект қой айтып отырған, десең иә?! Жасанды интеллект дамыған заманда бай болғыңыз келсе, мынандай қасиет болу керек екен: Икемділік – өзгерістерге бейімделіп, жаңа технологияларды тез меңгеру. Шығармашылық – стандарттан тыс ойлап, жаңа идея, шешімдер ұсыну. Үздіксіз оқу – білім алуды тоқтатпай, дағдыларды жаңартып отыру. Тәуекелшілдік – жаңа бастамаларды жүзеге асыруда қорықпау. Тез әрекет ету. Мықты коммуникация – адамдармен тез байланыс орнатып, ынтымақтастық құра алу. Мәселе шешу қабілеті – күрделі жағдайларда шешім таба білу», — деп ойымен бөлісті ол.
Желі қолданушылары БАҚ өкілін жаңа қырынан танып, оның ән айту шеберлігіне қатысты түрлі пікір білдірді. Бірі өлең көңілінен шыққанын айтса, енді бірі оған өз ісімен айналысып жүре беруге кеңес берді.
«Даусы бар адамдарға қызығамын», «Елдің бәрі Роза Рымбаева емес, әнге әркімнің бар таласы», «Жүргізуші болып жүре бересіз-ау», «Анда-санда болып тұрады, шабыт келгенде шырқайтынымыз бар», «Маған ұнап тұр. Дауысыңыз жақсы-ақ. Бұлай айта алмайтындар да бар ғой», «Сіздің де ән салғаныңызды есту бақыты бұйырыпты», — деп жазуда көпшілік.