Көптеген адамдар жаңа жыл алдында келер жылға жасаған жоспарлары мен уәделерінен небәрі 17-18 күн ішінде бас тартады екен. Зерттеушілер бұл құбылыстың негізгі себебі қойылған мақсаттардың тым жалпы, нақты болмауынан екенін анықтады.
Ғалымдардың айтуынша, өзгерістерге қол жеткізу үшін нақты мақсат қою және оларға белгілі бір уақыт белгілеу маңызды. Мысалы, «барлық әлеуметтік желіні өшіру» дегеннің орнына, «бекерден-бекер әлеуметтік желі ақтаруды күніне 2 сағатқа шектеу» деген мақсат әлдеқайда тиімді.
Ең бастысы — бірден бәрін өзгертуге тырыспаңыз. Бір әдетті өзгерту арқылы бастаңыз. Міне, осылайша сіз алға қойған мақсаттарыңызды жүйелі түрде іске асыра аласыз, – деп кеңес береді зерттеушілер.