Белгілі әнші Мақпал Жүнісова атышулы видеосынан кейін, жағдайы нашарлап қалғанын мәлім етті, деп хабарлайды ozgeris.info.
Халық әртісі бір аптадан кейін әлеуметтік парақшасында видео жариялап, уайымдап жатқан оқырмандарына жауап берді.
«Өмірден өтіп кететін сияқты күйде төсек тартып жатырмын. Ешкімге тіл тигізген жоқпын, аман болыңыздар! Күз айы мен үшін депрессия. Осы айда қатты күйзеліске түсемін. Зәкеңнен айрылып, жаралы жүрек осы күнге дейін шерлі. Осы күнге дейін өлтірген адамды табалмай, халықтың алдында ешкімді ұстап бермеді. Сол ашылған күні тек айран ішер едім», – деп жазды әнші.
Айта кетейік, бұған дейін өнер иесі өзін «әнші емес, алқаш» деп атайтындарға реніш білдіріп, желіге видео жариялаған болатын. Кейін әнші аз уақыттан соң оқырмандардың өтініші бойынша, видеоны өшіріп тастағанын мәлім етті.
