Тоқаев пен Мирзиёев Алматыда кездеседі

Қасым-Жомарт Тоқаев пен Шавкат Мирзиёев 29 наурызда Алматыда бейресми кездесу өткізеді. Президенттер стратегиялық әріптестіктің перспективалары мен өңірлік күн тәртібін талқылайды.

29 наурызда Алматыда Қазақстан президенті Қасым-Жомарт Тоқаев пен Өзбекстан президенті Шавкат Мирзиёевтің бейресми кездесуі өтеді, деп хабарлады Ақорданың баспасөз қызметі.

Келіссөздер барысында мемлекет басшылары Қазақстан мен Өзбекстан арасындағы стратегиялық әріптестікті және одақтастықты нығайту, сондай-ақ Орталық Азияға қатысты өңірлік мәселелерді талқылауды жоспарлап отыр.

Сонымен қатар, бағдарлама аясында қаладағы бірқатар нысандарды аралау және жасанды интеллектке арналған көрмені тамашалау қарастырылған.