Қоғам қайраткері, дінтанушы Мұхамеджан Тазабек кейінгі кездері көп тойға бармай жүргенін айтты, деп хабарлайды Ozgeris.info тілшісі.
«Жақында екі тойға барған жоқпын. Біріншіден уақытым болған жоқ, екіншіден қатты талпынбадым. Неге? Себебі маған шақырту WhatsApp арқылы келді. Иә, ол той жайында менің хабарым бар, бірақ маған жібере салған. Негізі қалай болуы керек еді? Қоңырау шалып немесе жазып: Ассалаумағалейкум, Мұхамеджан бауырым! Осындай күнге шақырып жатырмын, уақытың болса, тойымыздың төрінде бол, айналайын. Міне, мекенжайы мен суретін саған жіберіп жатырмын десе мен жұмысымды реттеп ол тойға баруға жанталасып, талпынатын едім», деді ол.
Желі қолданшыларына айыскердің бұл сөзі жақпай қалды.
«Адам таңдау дейді, атақты біреу шақырса барасың ғой», «Тәкаппарлық емес пе?», «Қазір бәрі тойға онлайн шақырады», «Сен жалғыз емессің ғой, тойға екі жүз адам шақырылады», «Сыйлайтын жақын адамың болса шақыртусыз да баратын едің», деп жазды жұрт.