Оқиға Келес ауданында болған, деп хабарлайды Ozgeris.info.
Келес ауданындағы жекеменшік балабақшада балалардың улану жағдайын Түркістан облысы білім басқармасына назарына алғанын хабарлайды. 24 маусым күні таңғы астан кейін сағат 11.00-лер шамасында балалар өздерін жайсыз сезіне бастаған. Алдын ала мәлімет бойынша, 34 бала астан уланған.
«Бөбекжай-балабақша қызметкерлері дәрігер мен мейірбикені шақырып, алғашқы дәрігерлік көмектер көрсетілген. Келес аудандық санитариялық-эпидемиологиялық бақылау басқармасы тарапынан тексеру жұмыстары жүргізілді», – делінген Түркістан облысы білім басқармасының хабарламасында.
Таңғы аста балаларға берілген ботқаның құрамы, сүттің құрамы сараптамаға жіберілген. Ауруханаға жөнелтілген балалардың жағдайы дәрігерлердің жіті бақылауында. Жағдайға байланысты Келес аудандық полиция бөлімі қылмыстық іс қозғады.