Алматы әкімі Ерболат Досаев Алмалы ауданының тұрғындарына, мұндай кездесулердің жүйелі түрде өтетінін жеткізді.
«Мен Алматы тұрғындарымен кездесу өткізуді тоқтатқан жоқпын, кездесу форматы өзгерді. Әр тоқсан сайын аудандарға барамын. Жылына екі рет аудандарда жүзбе-жүз кездесулер болады және өткен жылдың төртінші тоқсанындағыдай екі рет тиісті орындарға барып, нақты мәселелерді шешеміз. Сондықтан, уәде етілгендей, мен әр ауданның тұрғындарымен жиі кездесіп отырамын», — деді шаһар басшысы.
Алматы әкімдігінің мәліметінше, 2023 жылы Ерболат Досаев 8 ауданның тұрғындарымен 32 кездесу өткізді.
Фото: Виктор Федюнин / Kazinform