Алматы қаласының Бостандық аудандық соты Салтанат Нүкенованың атына қорлайтын пікір жазған блогер Антон Бударовтың сөзін жоққа шығаруға міндеттеді.
Сонымен қатар, Салтанат Нүкенованың ағасы Айтбек Амангелдінің пайдасына сот шығындарынан 650 мың теңге өндіріп алынды. Бұл туралы Нүкеновтер отбасының адвокаты Дамир Ишмаметов өзінің Instagram-дағы парақшасында хабарлады.
«Бішімбаевқа қатысты қылмыстық іспен қатар көптеген жек көретіндер де пайда болды. Осындай жек көретіндердің бірі блогер Бударов Антон болды «, — деп жазды заңгер.
Ишмаметовтың айтуынша, қорлайтын пост 2023 жылдың желтоқсанында Instagram-да жарияланған. Блогер Салтанатты құрбан деп санамайтынын айтып, оны «аферист» және «абъюзерша» деп атады.