Халық жазушысы Шерхан Мұртазаның Жамбыл облысы Жуалы ауданы Талапты ауылында тұрған үйі музейге айналады, деп хабарлайды «ozgeris.info» «ҚазАқпаратқа» сілтеме жасап.
Бұл туралы мәслихат депутаттарымен кездесу кезінде Жамбыл облысының әкімі Нұржан Нұржігітов мәлімдеді.
Облыс әкімі Шерхан Мұртазаның 90 жылдық мерейтойын тиісті деңгейде атап өту үшін қажетті шаралар қабылданып жатқанын, тұлғаның Жуалыда өзі тұрған үйінде музейі ашылатынын атап өтті.
Бұдан бөлек өңірдегі төрт мектеп қабырғалы қаламгердің есімін еншілеген. Біртуар тұлғаның ескерткішін салу мәселесі де қаралуда.
«ozgeris.info»