Сотталған азамат ауруханада ем қабылдап жатып, қашуға әрекет жасаған. Бұл ақпаратты Қылмыстық-атқару жүйесі комитетінің баспасөз қызметі растады.
Белгілі болғандай, ер адам денсаулығы нашарлаған соң азаматтық медициналық мекемеге жатқызылған.
«Жедел қабылданған шаралардың нәтижесінде ол дереу ұсталды. Аталған факті бойынша қылмыстық іс қозғалып, қызметтік тексеріс жүргізілуде», – деп хабарлады комитет өкілдері.