Семейде 8-сынып оқушысын басынан ұрған офицер-тәрбиеші қызметтік тергеу нәтижесінде сөгіс алған, деп хабарлайды ozgeris.info тілшісі.
Ол 2022 жылдың қараша айында 8-сынып оқушысы басына ұрған.
Әлеуметтік желілерді бақылау кезінде 2022 жылдың қараша айында түсірілген видео анықталған.
“Видеода офицер-тәрбиеші А.К.С студент Р.Д.Т-ға қарсы күш қолданғаны анық көрсетілген. Тәрбиеші педагогикалық әдеп кеңесіне шақырылып, оған сөгіс түріндегі тәртіптік жаза тағайындалды”, – деп хабарлады Абай аудандық білім басқармасының баспасөз қызметі.
Анықталғандай, офицер-тәрбиеші оқушыға өз бетінше дайындық кезінде үлгерімі үшін сөгіс жариялап, артынша оның желке тұсынан алақанымен екі рет ұрған.
Сондай-ақ, баспасөз қызметі оқушының денсаулығына ешқандай зиян келтірмегенін және медициналық көмекке жүгінбегенін, ал оқушының ата-анасы мұғалімге ешқандай арыз жазбағанын атап өтті.
«Сонымен қатар мұндай әрекеттердің алдын алуға бағытталған білім беру қызметкерлерімен жалпы жиналыс өткізілді. Лицей директорының тәрбие ісі жөніндегі орынбасары мен әлеуметтік педагогке қызметкерлермен профилактикалық жұмысты күшейту тапсырылды», – деп атап өтті білім басқармасында.