Қазақстанда жолаушылар үшін пойыз қозғалысын нақты уақыт режимінде бақылау қызметі іске қосылды.
«Жолаушылар тасымалы «Пойыз қозғалысының онлайн тақтасы» атты цифрлік сервисті іске қосты. Енді жолаушылар онлайн режимде пойыздардың келу және кету уақытын бақылап, қозғалыс кестесіндегі өзгерістер туралы жедел ақпарат ала алады»,-делінген ҚТЖ хабарламасында.
Пойыз қозғалысы туралы ақпарат алу үшін:
- bilet.railways.kz және tablo-railways.kz сайтына кіру керек
- «Пойыз қозғалысының онлайн тақтасы» баннерін басу керек
- Картадан қажетті пойызды таңдау қажет
Айта кетейік, елімізде 1 наурыздан бастап пойыз билеттері 7%-ға қымбаттайды. Бұл соңғы жарты жылдағы екінші қымбаттау. Тарифтің өсуі барлық әлеуметтік маңызы бар облысаралық бағыттарға, сондай-ақ бірқатар қала маңына қатынайтын пойыздарына әсер етеді.