26-нан 27 наурызға қараған түн – Рамазан айының 27-ші түні, мұсылмандар үшін қасиетті Қадір түні. Бұл түні Алла Тағала адамдардың келер жылғы тағдырын белгілейді деп сенеді. Оны қалай өткізу керек және қандай амалдар жасау маңызды?
Қадір түнін қалай өткізу керек?
Ең алдымен тарауих намазын оқу қажет. Сондықтан көптеген мұсылмандар бұл түнді мешітте өткізеді. Алайда түнді бос өткізу дұрыс емес. Егер адам таңға дейін теледидар қарап немесе диванда жатып өткізсе, қасиетті түннің берекесінен құр қалуы мүмкін.
Рамазан айы туралы
Рамазан – мейірім мен игілікке толы ай. Ол айдың көрінуіне байланысты 29 немесе 30 күнге созылады. Бұл – ораза ұстап, қайырымдылық жасауға шақыратын ай. Осы айда садақа беру маңызды (2025 жылы пітір-садақа мөлшері – 655 теңге). Ораза айт – 30 наурыз.