Президент Қасым-Жомарт Тоқаев ирландиялық Иан Гэрриден басым түскен Шавкат Рахмоновты UFC-дегі кезекті жеңісімен құттықтады, деп хабарлайды ozgeris.info тілшісі.
Мемлекет басшысы қазақстандық атлеттің кәсіби спортта жетістіктерге жете беруіне тілектестік білдірді.
Айта кетейік, Шавкат Рахмонов ирландиялық Иэн Гэрримен жекпе-жекті Лас-Вегаста өткен турнирде өткізді. Кездесу бес раундқа созылып, қазылардың шешімімен жеңіс қазақстандық спортшының пайдасына шешілді. Осылайша, ол ММА-да 19-рет жеңіске жетті.