Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысындағы су басу қаупін төмендету үшін қабылданып жатқан шаралардың барысын тексерді.
Облыс орталығында Олжас Бектенов тұрғын алаптарын тексеру барысында Атырау қаласының су тасқынының екінші толқынына дайындығын бағалады. Батыста жағдай Ресей Федерациясының Ирикли су қоймасынан судың ағып кетуi, сондай-ақ Жайық өзенiне iрi бүйiр құйылыстарының үлкен су тасқыны шығындары және тиiсiнше су деңгейiнiң көтерiлуi себебiнен күрделi күйiнде қалып отыр.
Бұрын хабарланғандай, Батыс Қазақстан облысында су тасқынының шарықтауынан кейін су тасқыны Каспий теңізіне құя отырып, өзен арнасы бойынша Атырау облысына қарай қозғалады. Өткен тәулікте БҚО тарапынан судың келуі есебінен Атырау қаласында су деңгейінің 6 см көтерілгені тіркелді (су тасқынының жалпы көтерілуі бастапқыда 227 см).
