1 сәуірден бастап алу шегінің көтерілуіне байланысты адамдар наурыз айында зейнетақы жинақтарын белсенді түрде алып жатты. Наурызда тұрғын үйді сатып алу мен сату мәмілелерінің саны 68 мыңнан астамды құрап, ағымдағы жылдың ақпан айымен салыстырғанда 45,6%-ға өсті. Егер өткен жылдың ұқсас кезеңімен салыстыратын болсақ, транзакциялар саны 28,7%-ға өсті. Сұраныстың артуы пәтерлердің құнына тағы да әсер етті.
Бір жылда қайталама нарықтағы пәтерлердің бағасы 27,7%-ға, жаңа тұрғын үйді сату 20,3%-ға өсті. Абаттандырылған тұрғын үйді жалға алу төлемі 2022 жылдың наурыз айында өткен жылдың сәйкес айымен салыстырғанда 22,5% — ға өсті. Бір ай ішінде жаңа тұрғын үйді сату бағасының өсу қарқыны ақпан айында 0,4% — дан, наурыз айында 5,5% — ға дейін өскені байқалды. Наурызда өткен аймен салыстырғанда пәтерлерді қайта сату бағасы 4,6%-ға, жайлы тұрғын үйді жалға алу 3,5%-ға өсті.
Өткен жылмен бағаны қалай салыстырсақ та, жинақталған бағалар барлық жағынан өсіп келеді. Қымбат квадраттар қарапайым азаматтар үшін қол жетімді бола бермейді. Бағаның өсуі сыртқы факторларға байланысты, сондай-ақ ел ішіндегі саяси шаралар аясында реттеледі: зейнетақы жинақтарын шығару – бірінші толқын, шекті арттыру – екінші толқын және т.б.
Қысқа мерзімде құрылысшылар құрылыс материалдарының қымбаттауын негіздеп, жаңа баға белгілерін шығарады. Қазірдің өзінде көптеген мамандар 1 шаршы метрдің құны қазіргі бағадан 2 есе төмен екенін айтып жүргендіктен, Үкіметтің әрбір бастамасынан кейін баға қолмен белгіленетін көрінеді.
Президент Тоқаев 2021 жылы Үкіметке тұрғын үй бағасын шектеуді тапсырған болатын, бірақ жылжымайтын мүлік нарығында бағаның төмендеуі байқалмайды.
Егер бір бастама басқа жерде мәселені оятса, стратегиялық топты жеке сектордағы сауатты, жас сарапшылармен күшейтіп, соңында ірі құрылыс компанияларында аудит жүргізуді бастау керек.
Дереккөз: https://t.me/gdpkazakhstan
Аударған Гүлдана ЕРМЕКҚЫЗЫ