Мәжіліс кулуарында тілші депутат Дәулет Тұрлыхановтан отбасындағы зорлық-зомбылық үйдегі тәрбиеге қаншалықты байланысты екенін сұрады, деп хабарлайды «Өзгеріс» ақпараттық-сараптамалық порталы.
Бұл сауал мәжілісменнің ашуын туғызып, ол нақты жауап беруден бас тартты.
Тілші «ер азаматтардың әйелдерге қол көтеруі отбасындағы тәрбиеге байланысты ма?» деп сауал қойды. Тұрлыханов бұл сұраққа сұрақпен жауап қатты.
Жарайсыз. Қандай сұрақтар қоясыз? Ендеше өз сұрағыңызға өзіңіз жауап беріңізші. Білейін, — деді депутат.
Тілші бұл мәселенің ауқымды екенін және әйелдердің өз күйеуінің қолынан көз жұматыны қорқынышты екенін алға тартты.
Сонда сіз менен қандай жауап естігіңіз келеді. Бұдан былай мұндай сұрақтармен маған келмеңіз, — деді депутат.