Сенат дене шынықтыру және спорт мәселелері бойынша заңнамаға өзгерістер енгізетін заңды қабылдады. Маңызды жаңашылдықтардың бірі – Қазақстан азаматы болып табылмайтын спортшыларды бюджет қаражаты есебінен қаржыландыруға тыйым салу.
Сонымен қатар, қаражат бөлу кезінде Олимпиада, Паралимпиада, Сурдлимпиада, Азия және Параазия ойындарының бағдарламасына кіретін басым спорт түрлеріне ерекше назар аударылады.
Енді бұл спорт түрлері рейтинг бойынша емес, ұлттық құрамалардың халықаралық жарыстардағы нақты нәтижелері бойынша анықталатын болады.