Бір банктың қарызын өтеу үшін өзге банктен кредит алатын жандарды көріп жүрміз. Дегенмен, бұл тығырықтан шығатын жол емес. Сондықтан тиімді тәсілдерді үйренген жөн. Бұл туралы Dauletten WhatsApp арнасында жарияланды, — деп хабарлайды Ozgeris.info.
- Сараланған төлем әдісін таңдаңыз
Кредит алғанда аннуитет емес, сараланған (дифференциалды) төлемді таңдаған тиімді.
- Алғашқы айларда көбірек төлеуіңіз мүмкін, бірақ жалпы пайыздық төлем аз болады.
- Бұл әсіресе ұзақмерзімді ипотекада тиімді.
- Ай сайын қосымша ақша аударыңыз
Қол бос кезде аз сома болса да (5000–10000 теңге) артық төлеп отырыңыз — бұл мерзімді де, артық төлемді де азайтады.
- Төлемнің ең көп бөлігін негізгі қарызға бағыттаңыз
Банкке арнайы өтінішпен жүгініп, артық төлемді пайыз емес, тікелей негізгі қарызды жабуға бағыттауды сұраңыз.
- Қайта қаржыландыру (рефинанс)
Басқа банктен төмен пайызбен кредит алып, бұрынғы қарызды өтесеңіз – ай сайынғы төлеміңіз азаяды.
- Мысалы, 24% болған қарызды 17% мөлшерлемемен жабу – ондаған мың теңге үнем.
- Төлемді автоматтандырыңыз
Кешігу – айыппұл, ал айыппұл – қосымша шығын. Сондықтан автотөлем орнатып қойыңыз.
Кредит алған соң оны тезірек төлеп тастауға асығыңыз. Өйткені арман-мақсаттарыңызды тұсаулайтын қарыздың қамыты екенін естен шығармау керек.