Шымкентте білім саласы өкілдерінің дайындық деңгейі тағы да сынға алынды. Мұғалімдер мен жастар практикасына келген жас мамандардың білімдері олардың өз салаларына сәйкес келмей жатқаны алаңдаушылық тудырды, деп хабарлайды ozgeris.info.
Сауалнама нәтижелері қандай?
2024 жылдың 25 қарашасында Білім басқармасына келген бірқатар мұғалімдер мен мамандарға қарапайым сауалдар қойылды. Нәтижелері төмендегідей:
- «Галелео» мектебінің информатика пәні мұғалімі:
- Мектепті Ленгерде, колледжді Шу қаласында оқыған.
- Қазақстанда заңды қайда қабылдайтынын білмеді.
- Қазақтың соңғы ханы кім екенін айтпады.
- «Еменов» мектебінен келген мұғалім:
- Шымкенттің №4 мектебі мен М. Әуезов атындағы университетті бітірген.
- Заң қабылданатын орынды білді.
- Алайда қазақтың соңғы ханы мен демократияның мағынасын түсіндіре алмады.
- Жастар практикасына келген жас маман:
- Сайрам ауданындағы Қарасу мектебі мен Өзбекәлі Жәнібеков атындағы университетті тәмамдаған.
- Заң қабылданатын орынды атай алмады.
- Қазақтың соңғы ханы ретінде Хақназарды атады (қате жауап).
Салдары қандай болуы мүмкін?
Сауалнамадан кейін қоғам өкілдері мұндай білімсіздік ұстаздар мен жас мамандарды ғана емес, бүкіл ұлттың болашағын тығырыққа тіреуі мүмкін екенін алға тартты.
Не істеу керек?
Мамандарды даярлау сапасын арттыру, мұғалімдер арасында үздіксіз білім алуға ынталандыру, сондай-ақ олардың біліктілігін тұрақты түрде тексеру – мәселенің бірден-бір шешімі бола алады.
Білімсіздікке үнсіз қарау – жауға көмектесу! дейді қоғам белсенділері.