Халықаралық футбол федерациясы бейсенбі күні әлемдік рейтингті жаңартты, деп хабарлайды ozgeris.info.
Қыркүйек айындағы өткен нұсқамен салыстырғанда Қазақстан құрамасы бірнеше ұпай жоғалтқан, бірақ екі орынға көтеріліп, 107-ші орынға табан тіреді. Қазіргі уақытта команданың ең жақын көршілері — Кения және Комор аралдары.
Қазан айында Қазақстан құрамасы УЕФА Ұлттар лигасының екі матчында Австрияға (0:4) және Словенияға (0:1) ұтылды. Жалпы, ұлттық команда үш рет қатарынан жеңілген болатын.
ФИФА рейтингінің көшбасшысы Аргентина құрамасы — қазіргі әлем және Америка Кубогының чемпионы болып қалды. Бірінші ондықта бірнеше өзгерістер болды: Португалия Нидерландыдан озып, жетінші болды, Италия Колумбияны басып озып, тоғызыншы орынға көтерілді.