Отандық танымал блогер жұп Сыдықов Бекжан мен Руфина Ерболқызының отбасы әлеуметтік желіде жақсы таныс.
Руфинаның контентінің бағыты – отбасылық өмір. Күйеуінің көңілін табу үшін бар өнерін салып жүрген декреттегі келіншек.
“Отбасымыз өте қарапайым. Орал қаласында, ата-енеден бөлек тұрамыз. Күйеуімге әзілдеп “Панда” деп ат қойғанмын. Бекжан – шоумен. Той мен сауық кештерін жүргізеді. Күйеуімнің контентін қолдау мақсатында түсірген видеом әлемді шарлап кетіпті. Күйеуімді түрлі образда қарсы алу – өзімнің идеям. Бірде Су перісі болып, екінші күні “Тролли” мультфильміндегі “Роза” болып қарсы алдым. Оның шынайы эмоциясын көру – бақыт”, – дейді блогер келіншек.
Бүгінгі таңда жас отбасы Азат пен Аршат есімді қос ұлды тәрбиелеп отыр.
“Күйеуім – КТК ойыншысы. Әзілге жақын. Жұмыстан келгенде мені және балаларын көріп шаршағаны басылады. Тіпті “бүгін қандай образда күтіп алады екен?!” деп үйге асығатын жиі айтып жүр. Маған ол шабыт береді”, – дейді Руфина.
Желі қолданушылары екі жасқа бақыт тілеп, видеоларын жалғастыра беруін айтып жатыр. Бір оқырман жігіт: “Руфина бүгін не киіп шығады екен?! деп ойлап қоямын деп жазып, елді күлдіртті.