Ескерткіштің астында қаза тапқан қыздың ата-анасы кінәлілерді жазалауға қол жеткізе алмай жүр, деп хабарлайды Ozgeris.info тілшісі atyrau.oil Instagram парақшасына сілтеме жасап.
Еске салайық, қайғылы оқиға 26 маусымға қараған түні Атырау қаласының Жеңіс саябағында орын алды. Жеті жасар Айаруды 2020 жылы Жеңіс саябағында орнатылған ҰОС ардагерлерінің ескерткіштерінің бірі өлімге душар етті. Ата-аналардың айтуынша, қала әкімдігі зират тұрғызуға көмектесті. Ескерткіштің астында қыздың әкесі де, ағасы да қалды. Олар ауыр жарақат алған. Қажетті емді өз ақшасына алуға тура келді.
«3 қазан біздің кішкентай Айару қайтыс болғанына 100 күн болады. Әрдайым осы күнді еске аламын, ол жағдай туралы айту маған қиын. Біз полицияға арыз жаздық, бірақ үш айдан астам уақыт өтті, ал іс әлі күнге дейін тергелуде. Бізге тергеуді арнайы созып жатқандай көрінеді», — деді қыздың әкесі Айдос Сабыров.
Полиция хабарлағандай, аталған факті бойынша қылмыстық іс ҚР ҚК 306-бабының 3-бөлігі және 371-бабының 2-бөлігі бойынша қозғалған. Өзге ақпарат жария етуге жатпайды.