Әлеуметтік желіде Александр Землянкин есімді жігіттің ант тапсыру рәсімінде түсіріліген видеосы тарады. Онда анасының белгілі бір жағдайларға байланысты салтанатты рәсімге қатыса алмағаны айтылды. Сарбаздың видеосы көптің жүрегін елжіретті, деп хабарлайды Ozgeris.info.
Қазақстан Республикасының Мемлекеттік күзет қызметі әлеуметтік желідегі парақшасында Александр Землянкин «Айбынға” ауыстырылғанын хабарлады.
“Қорғаныс министрлігі 51809 әскери бөлімінің мерзімді қызмет әскери қызметшісі қатардағы жауынгер А.Землянкин ҚР МКҚ Айрықша мақсаттағы күштерінің «Айбын» Президенттік полкіне ауыстырылды”, – делінген хабарламада.
Сарбаз өз кезегінде қуанышын бөлісіп, Отанға адал қызмет ететінін айтып, ант етті.
“Мен командирлерім мен жолдастарымды жерге қаратпаймын. Командирлердің барлық бұйрығын адал орындаймын”, – дейді Александр Землянкин.