Алматы әскери соты Мәжіліс депутаты Дәулет Тұрлыхановтың ұлына үкім шығарды.
Тұрлыхановтың 20 жастағы төртінші ұлы Нұрасыл Болат алматылық заңгер ерлі-зайыптылар Олег Чернов пен Анна Дмитриевичті соққыға жыққаны үшін айып тағылуда. Істің барлық материалдарын зерделеп, тараптарды тыңдай отырып, сот үкім шығарды.
«Нұрасыл Болат Қылмыстық кодекстің 107-бабының 2-бөлігінің 1 және 5-тармақтарында көзделген қылмысты жасағаны үшін кінәлі деп танылып, оған 1 миллион 700 мың теңге айыппұл салынсын», – деді судья Дихан Әлиасқаров.