Прага хайуанаттар бағының директоры Мирослав Бөбек өзінің Facebook парақшасында Прагадан Алматы хайуанаттар бағына жеткізілген Том есімді ақ аюдың өлімі туралы айтты. Бөбек жануардың өлімін жан-жақты тексеруді талап ететінін атап өтті.
28 наурызда Томды өсіру үшін Алматыға әкелді. Ақ аюдың физикалық көрсеткіштері жақсы болды, бірақ жануар кенеттен өлді.
Бөбек алматылық әріптестерінің аюдың жағдайы туралы хабарлауды бірден тоқтатқанына шағымданады.
«Біз келесі аптада біздің қызметкерлер Томның жағдайын білу үшін Алматы хайуанаттар бағына барады деп шешкен кезде, бүгін таңертең келесі хабарлама алдық: «Бізде жағымсыз жаңалық бар. Том Беар 4 мамырда қайтыс болды. Аутопсия көрсеткендей, өлімнің себебі — мұрын жолдарының шырышпен және некротикалық заттармен толық бітелуімен мидың ісінуіне әкеліп соқтыратын фронтальды және мұрын қуыстарының созылмалы шірік қабынуы салдарынан дененің улануы. Сіздің хайуанаттар бағыңыздан аю ауырып қалыпты. Аутопсияны тәуелсіз сарапшы, ҒЗИ патологиялық анатомия профессоры жүргізді. Аутопсияның барлық фотосуреттері бар. Барлық материалдар сізге және EEP комитетіне жіберіледі»,
– деп жазады Бөбек.
Прага хайуанаттар бағының директоры Алматы хайуанаттар бағының аюдың өлімі туралы ақпаратты неліктен жасырғанын түсінбейді.
«Біз Еуропалық хайуанаттар және аквариумдар қауымдастығына, Чехияның Қазақстандағы елшілігіне, сондай-ақ Прагадағы Қазақстан Республикасының Елшілігіне сұраныс жібереміз», —
– деп ескертеді Бөбек.