44 жастағы отандық маман Әли Әлиев Қазақстан құрамасының бас бапкері болып сайлануы мүмкін, деп хабарлайды ozgeris.info тілшісі KazFootball.kz-ке сілтеме жасап.
Әли Әлиев таяуда «Қызылжардың» бапкері қызметінен кетті. Бұған дейін ол «Жеңіс», «Шахтер» және «Астана» жастар құрамасында жұмыс істеген. Оның жетекшілігімен Петропавл командасы Премьер-Лиганың 2023 жылғы маусымында бесінші орынға ие болды және бірінші іріктеу кезеңінде хорватиялық «Осиекті» ұтып, Конференция лигасының іріктеу кезеңіне қатысты.
Журналист Михаил Козачков телеграм арнасында аталған болжамға қатысты пікір білдірді.
«Егер бұл рас болса, командаға жаңа қызметкер келеді деп қорқамын. Кассир», — деді ол.
Еске салайық, Қазақстан құрамасы 2026 жылғы әлем чемпионатының іріктеу кезеңіне қатысады. Біздің команда Бельгия, Уэльс, Солтүстік Македония және Лихтенштейнмен бір топқа түсті.