«23 жыл бойы құрылысшылардың мүддесін қорғадық. Соның бәрі олардың байығанын көру үшін бе?» – деп мәлімдеді Мәжіліс депутаты Бақытжан Базарбек, тұрғын үй сату кезінде ҚҚС жеңілдіктерін алып тастау ұсынысын талқылау барысында деп хабарлайды Ozgeris.info порталы.
Бақытжан Базарбектің айтуынша, соңғы 20 жылда:
— Тұрғын үйдің бағасы шаршы метрі 23 мың теңгеден 500 мың теңгеге дейін өскен
— Құрылыс компаниялары миллиардтап пайда тапқан
— Ал қарапайым халық баспанасыз қалды
«Құрылысшыларға ҚҚС-тан босату арқылы бағаны тұрақтандырмақ болдық. Бірақ нәтижесінде Forbes тізімін толықтырдық!» – деді депутат.
2026 жылдан бастап Экономика министрлігі бұл салықтық жеңілдіктерді алып тастауды ұсынып отыр. Министр Әлібек Қуантыров ашық айтты:
«Жеңілдіктердің еш пайдасы болмады – баға бәрібір өсті»
Министр бағаның бұдан былай шарықтамайтынына, құрылыс нарығында ашықтық пен бақылаудың күшеуіне және нарықты монополилаған ірі құрылысшылар заңмен реттелетіндеріне уәде берді.