Өңірде сабақ кезінде балаларды ұрып-соғған мұғалімді тексеру басталды, деп хабарлайды Ozgeris.info тілшісі nur.kz сайтына сілтеп.
Әлеуметтік желілерде видео тарайды, мұғалім сабақта оқушыларды ұрып-соғады, ал оқушылардың бірі камераға түсіреді. Пайдаланушылардың айтуынша, бейне былтыр түсірілген, ал қазір бұл мұғалім директор лауазымында.
Атырау облысы білім басқармасының хабарлауынша, қараша айында ол байқау қорытындысы бойынша мектеп директоры болып тағайындалды. Білім беру саласындағы жалпы жұмыс өтілі — 35 жыл.
«Тағайындау кезінде ата-аналар мен мектеп қызметкерлері тарапынан шағым түскен жоқ. Лауазымға конкурс барлық талаптар мен өлшемдерге сәйкес жалпы негізде өтті.
Білім басқармасы бұл оқиғаны қызметтік тексеруге бастамашы болды. Оның қорытындысы бойынша заңнама аясында шаралар қабылданады», — деп атап өтті басқармада.
Атырау әскери мектебіндегі жанжал туралы біз жоғарыда айтқан едік.