«Қазақстан» телерадиокорпорациясы көпшіліктің сұрауына байланысты «Міржақып. Оян, қазақ!» фильмінің кинотеатрлардағы көрсетілім мерзімін тағы бір аптаға ұзартты.
«Міржақып. Оян, қазақ!» фильмі өткен жылы Корпорацияның толықтай мемлекеттік тапсырыс негізінде түсірілген 6 сериялы телехикаядан дайындаған кинотуындысы. Яғни, фильм мемлекеттік қаражат есебінен түсірілді. Келісімшартқа сәйкес фильм 21 қыркүйектен бастап барлық қалалардағы үлкен экрандарда 15 күн бойы прокатта жүрді», — деп хабарлады «Қазақстан» телерадиокорпорациясы.
Бұдан бұрын бір рет сұранысқа сәйкес көрсетілім 4 күнге ұзартылған еді.
Айта кетейік, бұған дейін Алашорда өкілі Міржақып Дулатұлының қиын тағдырын баяндайтын «Міржақып. Оян, қазақ!» тарихи драмасының кинопрокаттан алынуы қазақстандықтардың наразылығын тудырған және Фильм режиссері Мұрат Есжанның 6 сериялы телехикаядан жасалған көркем фильм жақын арада «Qazaqstan» арнасының эфирінен көрсетілетінін айтқан.