Цифрлық даму министрлігінің міндеттеріне жасанды интеллект (ЖИ) саласындағы мемлекеттік саясатты қалыптастыру және жүзеге асыру қосылды.
Ведомствоның функциялары кеңейтілді:
- ЖИ саласында мемлекеттік саясатты іске асыруды қамтамасыз ету;
- ЖИ технологияларын дамыту саласында нормативтік құқықтық реттеуді әзірлеу және іске асыру;
- ЖИ саласында салааралық үйлестіруді жүзеге асыру;
- ЖИ саласындағы сараптамалық кеңестің құрамы мен қызметі туралы ережені бекіту;
- ЖИ дамыту бөлігінде ҚР-дағы Мемлекеттік жоспарлау жүйесінің құжаттарын келісу.
Бұл ретте «Қазақстан Республикасы Цифрлық даму, инновациялар және аэроғарыш өнеркәсібі министрлігінің Геодезия және картография комитеті» республикалық мемлекеттік мекемесі таратылды.
Қаулы қол қойылған күнінен бастап қолданысқа енгізіледі.