Атырау облысында мотоцикл мінген жасөспірім баланы қағып өлтірген, деп хабарлайды «Мой город».
«Қайғылы оқиға 18 мамыр күні сағат 15.25-те Атырау облысы Индер ауданы Бөден ауылында болды. Аудандық полиция бөлімінің мәліметінше, мотоцикл мінген 16 жастағы жасөспірім сегіз жасар баланы қағып кеткен. Бірінші сынып оқушысы ауыр жарақат алып, Индер аудандық ауруханасына бара жатқан жолда қайтыс болды», — делінген дүйсенбі күні таратқан хабарламада.
Тәртіп сақшылары наурыз айында бұл жасөспірімге жүргізуші куәлігінсіз мотоцикл жүргізгені үшін әкімшілік хаттама толтырылғанын атап өтті.