Астанада жылу трассасында су ағып кетті. Онда жөндеу жұмыстары жүріп жатқан, деп хабарлады елорда әкімдігінің баспасөз қызметі.
Оқиға орнынан түсірілген кадрлар әлеуметтік желіде тарап кетті. Видео авторы атап өткендей, ыстық су «Алатау» спорт кешенінің алдындағы көшеге төгілген.
«Жылу магистралінің бұл бөлігінде 25 сәуірден бері жөндеу жұмыстары жүргізілуде. Түнде тығындалған учаскеде желілік су ағып кеткен», — деп түсіндірді әкімдік Informburo.kz сайтына.
Ағып кету қазірдің өзінде түзетілді.