Әлеуметтік маңызды тауарлардың отандық өндірушілерін қолдау

Халық үшін әлеуметтік маңызы бар тауарлардың отандық өндірушілерін қолдау туралы 3 мамыр күні өткен Мәжілістің жалпы отырысында «Ақ жол» фракциясының депутаттық сауалын Асқар Садықов жариялады, деп хабарлайды Өзгеріс.инфо

Қазақстанда инфляцияның жоғары қарқыны сақталып,  халықтың, ең алдымен, аз қамтылған отбасылардың өмір сүру деңгейін одан әрі әлсіреп жатыр.

Ұлттық банк пен Үкіметтің бағаны тежеу ​​бойынша қабылдап жатқан шаралары отандық тауар өндірушілерді тежеумен ғана шектелсе, әкімдіктер кәсіпкерлерден өз тауарларының бағасын қымбаттатпауды талап етеді, бұл өзіндік құн мен дұрыс пайымға қарама-қайшы, дейді депутат.

Сонымен қатар, жуырда Ұлттық экономика министрлігі шілде айынан бастап электр энергиясы тарифтерін 10-нан 30 пайызға дейін өсіретінін хабарлады.

Депутаттың пікірінше, бұл өсім өндіріс пен сауданың барлық тізбегі бойынша қосымша шығындарға әкелетінін, яғни инфляцияның жаңа толқынына ұласатынын алдын ала болжайды. Бұл әсіресе, өндіріс процесінде электр энергиясы мен оның өзіндік құны жетекші рөл атқаратынын ескергенде келтіреді. Ал егер кәсіпкерлерді тауарларды өздері өндіргеннен арзанға сатуға мәжбүрлесе, онда мұндай бизнес құрдымға кетеді.

«Біз үкіметтің ең болмағанда халықтың әлеуметтік осал топтары үшін инфляцияның салдарын жеңілдетуге ұмтылысын түсінеміз. Бірақ бұл жағдайда барлық мәселені кәсіпкерлердің мойнына жүктемей, кешенді түрде шешу керек. Нақтысын айтқанда, кәсіпкердің міндеті – табыс табу, басқаларға жұмыс беру және мемлекетке салық төлеу. Кедейлерге қамқорлық жасау – үкіметтің міндеті. Бірақ бұл ретте де бизнес мемлекетті қолдауға дайын болғанмен, тауарының өзіндік құнынан аса алмайды.

Қазір министрліктер мен әкімдіктер айналысып жатқан саудадағы делдалдарға қарсы күрес жақсы, бірақ бұл шаруаның жартысы ғана. Энергетика саласындағы делдалдардың зияны бұдан көп болмаса, аз емес. Сондай-ақ монополистердің өз сәтсіздіктері мен ұрлығын халық пен бизнеске жүктеп қою ұмтылысы байқалады«, — деді депутат А.Садықов.

«Ақ жол» фракциясы энергетика саласындағы олигополиямен күрес инфляцияны тежеудің ең маңызды бөлігіне айналуы тиіс деп есептейді.

Осыған байланысты, инфляцияның қоғамдағы әлеуметтік әл-ауқатқа қысымын азайту мақсатында «Ақ жол» депутаттық фракциясы ұсыныстар жіберді:

  1. Халық үшін әлеуметтік маңызы бар тауарларды (ХӘМТ үкіметтік тізімі бойынша) өндірушілер үшін электр энергиясы мен басқа да коммуналдық қызметтер шығындарына белгіленген тарифтерді; немесе осындай тарифтер үшін мақсатты субсидиялар енгізу.
  2. Әлеуметтік маңызы бар тауарлар өндірілетін шикізат пен материалдарға отандық өңдеушілердің шығындарын субсидиялау мүмкіндігін қарастыру.
  3. Халық үшін әлеуметтік маңызы бар тауарлар тізбесіне азық-түлікті ғана емес, сонымен қатар киім-кешек пен аяқ киімді, негізгі дәрі-дәрмектерді және жеке гигиена құралдарын енгізу.