Б.Сәрсенбаев: Елімізде диалог пен ынтымақтастықты нығайту

«Жаһандану және халықаралық ұйымдар: әлемдік және дәстүрлі діндер көшбасшылары съезінің тәжірибесі» атты тақырыбында Maqsut Narikbayev Unıversıty-де дәріс өтті, деп хабарлайды Өзгеріс.инфо.

21 сәуір күні Maqsut Narikbayev Unıversıty студенттеріне, магистранттарына және профессор-оқытушылар құрамына арналған 2022 жылғы қыркүйек айында Астана қаласында өткен Әлемдік және дәстүрлі діндер көшбасшыларының VII съезінің қорытындысы бойынша Конфессияаралық және өркениетаралық диалогты дамыту жөніндегі Н.Назарбаев орталығының Басқарма Төрағасы Болат Сәрсенбаев дәріс оқыды.

Шараның мақсаты — Әлемдік және дәстүрлі діндер көшбасшыларының VII съезі — бірегей диалог алаңының негізгі месседждерін және рухани дін басшылар әзірлеп қабылдаған қорытынды Декларацияны аудиторияға жеткізу.

Дәріс барысында Басқарма төрағасы Б.Сәрсенбаев қатысушыларды VII Съездің қорытындыларымен таныстырып, Қазақстан Президенті Қасым-Жомарт Тоқаевтың Әлемдік және дәстүрлі діндер көшбасшыларының VII съезінің халықаралық аренада бейбітшілік пен келісім идеяларын насихаттаудағы ерекше рөлін атап өтті:

«Съезді өткізу біздің елімізде де және бүкіл әлемде де диалог пен ынтымақтастықты нығайтуға бағытталған Қазақстан саясатының маңызды бөлігі. Барлық алдыңғы форумдарда қабылданған декларациялар радикализмді, зорлық-зомбылықты және қақтығыстарды қандай идеялармен қамтыса да, үнемі айыпталды. Қазіргі күрделі шындықта бір үстелде отырған діни көшбасшылар бүкіл әлемге кез-келген келіспеушілікті жеңетін ізгі ниеттің үлгісін көрсетуі өте маңызды».

Сондай-ақ, биылғы 10-11 қазанында Астанада Орталық төрағасы ҚР Парламенті Сенатының Төрағасы — Съезд Хатшылығының Басшысы М.Әшімбаевтың жетекшілігімен өтетін Съезд Хатшылығының XXI мерейтойлық отырысына дайындық барысы туралы аудиторияға таныстырды.

Студенттер мен профессор-оқытушылар құрамы діни көшбасшылардың, халықаралық ұйымдардың дінаралық және өркениетаралық диалогты дамытудағы күш-жігерін біріктіру қажеттілігі туралы, сондай-ақ бейбіт өмір сүрудің қазақстандық моделін қолдаудың және жас ұрпақта төзімділікке тәрбиелеудің маңыздылығы туралы тезистерді оң қабылдады.

Съезд тақырыбына арналған дәрістер топтамасы Алматы, Түркістан, Қарағанды және Астананың жетекші жоғары оқу орындарында өткізілді.

Жалпы жоғарыда аталған іс-шаралар Әлемдік және дәстүрлі діндер көшбасшыларының VII съезінің идеяларын және оның әлемнің түрлі халықтарының діндері мен мәдениеттеріне құрметпен қарауды қалыптастыру жөніндегі декларациясын насихатталуына, конфессияаралық диалогты нығайтуға жәрдемдесуге бағытталған.