Атырау облыстық ішкі саясат басқармасы «Қоғамдық келісім» КММ-нің қолдауымен, «4 Билік» қоғамдық бірлестігінің ұйымдастыруымен, «Қазақтану» мәдени-ағартушылық жобасы аясында, «Каспий» дағыстан және «Новруз» әзірбайжан этномәдени бірлестіктерімен «Ұлттық халықтық қолданбалы шығармашылығын насихаттау» шарасы өтті.
Шараның мақсаты – Қазақстан халқының салт-дәстүрлерін жаңғырту, сақтау, дамыту және өскелең ұрпаққа насихаттау. Шараға бірлестік мүшелері, ҚХА «Қоғамдық келісім» КММ-нің мамандары және БАҚ өкілдері қатысты.
«Қоғамдық келісім» КММ-нің басшысы Жанар Ильясова, «Каспий» дағыстан этномәдени бірлестігінің жетекшісі Гадис Гаджиев құттықтау сөз сөйледі.
Қос этномәдени бірлестіктері қазақтың ұлттық халықтық қолданбалы шығармашылығын насихаттау мақсатында қазақ, әзірбайжан дағыстанның ұлттық бұйымдарының жасалу жолдарын, пайдасын, қолдану аясы туралы әрқайсысына тоқталып, тарихын, жасалу жолдарымен таныстырды.
Гүләлия ИГІЛІКОВА.