Түркістанда тұрғын үй өртеніп, 13 жасар екі бала қаза тапты

Оқиға Сауран ауданы Бабайқорған ауылында болған, деп хабарлайды «ozgeris.info» тілшісі Қазақпаратқа сілтеме жасап.

Ш. Қалдаяқов көшесінде орналасқан екі қабатты жеке тұрғын үй өртеніп, жалын 180 шаршы метрді шарпыды. Бірінші қабаттың төбесі опырылып, құлап түскен. Оқиға орнынан 13 жасқа енді толған екі жасөспірімнің денесі табылды.

Өртті сөндіруге төтенше жағдай департаментінің 24 қызметкері мен 7 техникасы, полиция департаментінің 9 қызметкері мен 3 техникасы жұмылдырылды.