Наурыз мейрамын тойлау Шымкент қаласының бюджетіне 134 миллион теңге шығын әкелген, деп хабарлайды «ozgeris.info» «vera.kz»-ке сілтеме жасап.
Биылғы мерекелік шаралар 12 күнге созылған. Олардың әрқайсысының нақты тақырыбы мен нақты бюджеті болған. Атап айтсақ, мерекелік марафон Қошқар ата жағасындағы шарамен ашылды. «Қошқар ата сейіліне» 17 миллион 630 мың теңге жұмсалды. Бұл сомаға өзен жағасы ұлттық әшекейлермен безендіріліп, киіз үйлер мен алтыбақандар тігілді. Қозы бағу сайысын ұйымдастырып, ұлттық тағамдар әзірлеп, өнерпаздар келген қонақтарды түрлі қойылымдармен қуантты.
«Қош келдің, Наурыз» шарасына 930 мың теңге, «Көрісу күнін» жүргізуге 2 миллион 300 мың теңге, «Жайлау» шарасына 2 миллион 500 мың теңге, «Шежіре күнін» өткізуге 1 миллион 650 мың теңге, «Тарихқа тағзым күні» күні 304 мың теңге, «Игі естер күні» 6 миллион 350 мың теңге, «Шымырлық пен шеберлік күнін» өткізуге 5 миллион 50 мың теңге, «Зияткерлік күнін» өткізуге 6 миллион 900 мың теңге жұмсалған. «Ұлттық тағдыр күні» іс-шарасы бюджетке 4 150,0 мың теңге, ал «Жоралғы күні» 5 миллион теңге шығын келтірген. Ал бюджеттен ең көп қаржы «Ұлыстың ұлы күні» мерекесіне жұмсалған, бұл шараға 64 миллион 950 мың теңге бөлінген.
Шығындардың тағы бір бөлігі әл-Фараби алаңында гастрономиялық фестиваль өткізуге кеткен. Оны өткізуге арналған конкурсты Нұр-Сұлтанның «Альфа Логистикс» компаниясы жеңіп алды. Шараны ұйымдастыру үшін кәсіпорын 16 млн теңге алған.
Еске салайық, гастрономиялық фестиваль алаңында Шымкенттегі 50-ге жуық мейрамхана, дәмхана мен гамбургерлерді жинады. Шымкенттіктер барлық өнімдерін мекемелердің ас мәзіріндегі баға бойынша төлеуге мәжбүр болды. Кәсіпорын бюджеттен алған сома үшін сахна және жарықтандыру жабдықтарын, музыкалық аппаратураны, LED экранды, үстел-орындықтары бар кем дегенде 20 шатырды жалға алуға мәжбүр болды.
Ал мемлекеттік сатып алулар сайтында жарияланған байқау шарты бойынша, жеңімпаз компания қатысушыларды тауып қана қоймай, танымал қазақстандық аспазшы, қазақ тағамы немесе кемінде 100 000 жазылушысы бар саяхат блогерін тартуы керек еді. Сондай-ақ, аспазшының ұлттық тағамдарды керемет трюктармен дайындаған жарты сағаттық шоуы болуы керек еді. Жарты сағаттық тамаша бармен мен бариста шоуы болуы керек еді. Лот шарты бойынша ұлттық тағамдарды әзірлеу бойынша шеберлік сабағы өтуі тиіс еді. Сондай-ақ фестиваль қонақтары дайындаған тағамдардан дәм тату керек еді.
Айтпақшы, Шымкент қаласы әкімінің орынбасары Мақсұт Исаховтың айтуынша, түрлі номинациялар бойынша жеңімпаздардың жүлде қоры 4 миллион теңгені құрады. Гастрономиялық фестивальдің жеңімпаз-ұйымдастырушылары 16 миллион теңгені бюджет шегінде сақтап қалды ма, жоқ па, бірге есептейік.
Еске салайық, өткен жылы Наурыз мейрамын тойлауға 217 млн теңге жұмсалғанын мәдениет басқармасының басшысы Ханзада Есенова мәлім етті.
«ozgeris.info».