Ақтөбелік оқушы зағиптарға арналған пернетақта үшін Мексикада медаль жеңіп алды, деп хабарлайды «ozgeris.info».
Назарбаев Зияткерлік мектебінің 10-сынып оқушысы Жаннұр Айып Expo Sciences Mexico халықаралық виртуалды олимпиадасының күміс жүлдегері атанды.
Expo Sciences Mexico халықаралық олимпиадасына әлемнің 17 елінен барлығы 61 команда қатысқан. Жаннұр серіктесі Данияр Чутеневпен бірге «Компьютер және робототехника» номинациясында екінші орын алды. Олар олимпиадада «Брайл тақтасы» жобасын, яғни, нашар көретін және зағип жандарға арналған пернетақтаны ұсынды. Олар жоба бойынша бір жыл бойы жұмыс істеген.
«Біздің құрылғы Брайль қарпіндегі таңбаларды, әріптерді құрастыру үшін қолданылатын алты нүкте сияқты алты түймеден тұрады. Осы алты түймені басу арқылы әр түрлі комбинациялар арқылы компьютерге әріптерді немесе белгілерді енгізуге болады. Қажетті тақталарды өзіміз жасадық, схемаларды сыздық, содан кейін егжей-тегжейлі, қажетті элементтерді дәнекерленген. Осылайша жобамызды қорғап шықтық. Болашақта біз патент алуды жоспарлап отырмыз, өйткені бұл шынымен бірегей жоба, – деді Жаннұр Айып.
«ozgeris.info»