29 маусымда Бұқар жырау ауданында Нұра өзенінің бойында, Қызылжар ауылында қайғылы оқиға болды: 9-сынып оқушылары суға түсуге тыйым салынған жерде суға батып кетті, деп хабарлайды ozgeris.info «Новый вестникке» сілтеме жасап.
Оқушы қыздар өзенде үлкендердің бақылауынсыз суға түскен. Олардың жеке заттары жағадан табылды. Куәгерлердің айтуынша, суға батқан орында ағыс қатты болған. Ал жағадан төрт метр қашықтықта өткір жартас бар.
Оқиға орнында барлығы үш бала болған. Бір қыз жағада қалып, жақын маңдағы тұрғындарға хабар берген. Ол сондай-ақ балалардың суға батқан жерінде ағыс қауіпті екенін айтқан.
Сағат 19:00-де жедел құтқару жасағының күшімен 2011 жылы туған қыздың денесі табылды. 2009 жылы туған қызды әлі іздестіріп жатыр.