Алматы облысының Полиция департаменті өкілі оқиғаға қатысты пікір білдірді, деп хабарлайды Ozgeris.Info.
«27 қарашада Іргелі селосы «Асыл Арман» тұрғын үй кешенінің тұрағында JAC автобусының жүргізушісі артқа қарай жүріп келе жатып, 7 жасар баланы басып кетті. Бала алған жарақаттарынан сол жерде қаза тапты», — делінген полиция хабарламасында.
Қазіргі уақытта сотқа дейінгі тергеу жүргізіліп, оның нәтижелері бойынша процестік шешім қабылданады.